Серіктестік жұмыскерлері үшін ақпараттық қауіпсіздік бойынша дәріс өтті
2025 жылғы 8 шілдеде Қазмедиа орталығында Серіктестік жұмыскерлеріне арналған ақпараттық қауіпсіздік және қызметтік ақпаратпен жұмыс істеу талаптарын сақтау мәселелері бойынша дәріс өтті. Іс-шараның басты мақсаты – ақпараттық-коммуникациялық технологиялар саласындағы жұмыскерлердің хабардарлығын арттыру және деректермен жұмыс істеуде жауапты көзқарас қалыптастыру болды. Дәріс барысында қатысушыларға ақпараттық қауіпсіздік талаптары, корпоративтік жүйелерді қорғау, сондай-ақ ақпараттың таралуына немесе рұқсатсыз қол жеткізуге жол бермеу шаралары туралы кеңінен ақпарат берілді. Қызметтік ақпаратпен, оның ішінде «ДСП» (қызметтік пайдалану үшін) белгісі бар шектеулі таралымдағы ақпаратпен жұмыс істеу ережелеріне ерекше көңіл бөлінді. Спикер мұндай ақпаратты сақтау, пайдалану және қорғау тәртібін жан-жақты түсіндіріп, әр жұмыскердің дербес жауапкершілігін атап өтті. Сонымен қатар, этикалық нормалар да талқыланды — цифрлық ортада мінез-құлық мәдениетін сақтау және корпоративтік қауіпсіздікке жауапкершілікпен қарау дәрістің маңызды тақырыптарының бірі болды. Құрылымдық бөлімше басшыларының қолдауымен жұмыскерлердің қатысуы жоғары деңгейде қамтамасыз етіліп, іс-шара белсенді әрі қызығушылықпен өтті. Мұндай кездесулер қауіпсіздік мәдениетін нығайтуға және ұжымның ақпараттық ортадағы заманауи сын-қатерлерге дайын болуына ықпал етеді.
«Қазмедиа» — BAQ LIGA турнирінің жеңімпазы!
14–15 маусым күндері Астанада Бұқаралық ақпарат құралдары қызметкерлері күніне орай BAQ LIGA үстел теннисі турнирі өтті. Жарыс «Қазмедиа орталығында» ұйымдастырылып, БАҚ өкілдерін бір алаңға жинады. Турнир екі форматта — командалық және жекелей сында өтті. Командалық санатта «Қазмедиа» командасы финалда «Қазақстан 2» командасын 2:1 есебімен жеңіп, бірінші орынды иеленді. Ерлер арасындағы жекелей сынның жеңімпазы «Қазмедиа орталығының» Технологиялық бөлікті әкімшілендіру және сүйемелдеу бөлімінің технологиялық LAN(жергілікті есептеу желісі) әкімшісі Айбек Молдамуратұлы атанды. Сенімді әрі тұрақты ойын көрсеткен ол барлық қарсыластарын артқа тастап, бас жүлдеге ие болды. BAQ LIGA турнирі спорттық жарыс қана емес, сонымен қатар қатысушылар үшін кәсіби байланыстарды нығайтуға, командалық рухты арттыруға және медиасала қызметкерлері арасында салауатты өмір салтын насихаттауға үлкен мүмкіндік болды. Жеңімпаздарды құттықтаймыз және барлық қатысушыларға тартысты әрі қызықты ойындары үшін алғыс айтамыз!
Президенттік жастар кадр резервіне кезекті іріктеу басталды
2025 жылғы 1 маусымнан бастап Қазақстан Республикасының Президенттік жастар кадр резервіне кезекті іріктеу басталды. Бағдарлама ел дамуына және қоғамдық маңызы бар бастамаларды іске асыруға бағытталған жаңа формациядағы жас көшбасшылар қоғамдастығын қалыптастыруды көздейді. Резервке үміткер бола алатындар – жасы 35-тен аспаған, жоғары білімі және кемінде бес жыл еңбек өтілі бар Қазақстан Республикасының азаматтары. Іріктеуге қатысу тәртібі туралы толық ақпарат хабарламаға қоса берілген файлда көрсетілген.
Kazmedia футбол командасы — BAQ LIGA XV маусымының күміс жүлдегерлері!
6 сәуір күні футзалдан БАҚ өкілдері арасындағы BAQ LIGA XV маусымы өз мәресіне жетті. Осы маусымда Kazmedia футбол командасы өз шеберліктерін көрсетіп, күміс жүлдегерлер атанды. Бұл жеңіс олардың жоғары деңгейде дайындалып, қажырлы еңбектің нәтижесі екенін айқындайды. Команда BAQ Liga-ның төртдүркін жеңімпазы атанып, өз тарихында тамаша жетістікке жеткен болатын. 🏅Сонымен қатар, жеке марапаттар да назардан тыс қалған жоқ. Саят Сабырбаев тамаша ойын көрсете отырып, үздік қақпашы атағын жеңіп алды. Ал Нұрахмет Бектұрғанов “Құрмет” номинациясына ие болып, өз үлесін тағы бір мәрте мойындатты. Барлық ойыншыларды шын жүректен құттықтай отырып, алдағы уақытта да сәттілік пен үлкен жеңістер тілейміз! Жаңа биіктерді бағындыруда командаға сәттілік серік болсын! 🎉⚽
«Қазмедиа орталығы» волейбол командасы BAQ LIGA VI маусымының күміс жүлдегерлері атанды!
29 наурызда волейболдан Қазақстанның БАҚ өкілдері арасындағы BAQ LIGA VI маусымы аяқталды. Турнирде 9 команда бақ сынасқан болатын. 4 ай бойы өткен керемет матчтар, жарқын эмоциялар және алаңдағы тартысты сәттерден кейін, «Қазмедиа орталығы» командасы құрметті 2-орынды жеңіп алды! Әрбір матч нағыз күрес болды, ал біздің ойыншыларымыз керемет үйлесімділік, күрескерлік рух пен жеңіске деген ұмтылыс көрсетті. Бұл жетістік олардың табанды еңбегінің, өз ісіне деген адалдығының және командалық жұмысының нәтижесі! Барлық ойыншыларға керемет еңбектері мен командалық рухы үшін үлкен рахмет!
«Қазмедиа орталығы» басқарушы компаниясы» ЖШС Менеджмент Жүйесінің ISO 37001:2016 халықаралық стандарт талаптарына сәйкестігіне екінші бақылау аудитін өткізді
2024 жылғы 21 қазанда «Қазмедиа орталығы» басқарушы компаниясы» ЖШС (бұдан әрі – Серіктестік) №ABMS-1228/A сәйкестік сертификатының қолданылуын растау мақсатында «Сыбайлас жемқорлыққа қарсы іс-қимыл менеджменті жүйесінің (бұдан әрі – Менеджмент жүйесі) ISO 37001:2016 халықаралық стандарт талаптарына сәйкестігіне» екінші бақылау аудитін жүргізді. Жүргізілген аудит менеджмент жүйесінің аудит критерийлеріне сәйкестік дәрежесін, менеджмент жүйесінің әлеуетті жақсарту саласындағы менеджмент жүйесінің нәтижелілігін, сәйкестендіруді (қолданылатын дәрежеде) бағалау үшін Серіктестіктің қолданылатын заңнамалық, нормативтік және келісімшарттық талаптарды орындауына кепілдік беру қабілетін айқындауға бағытталды. Жүргізілген аудит нәтижесінде қаралған құжаттар мен аудиттелген процестер негізінде менеджмент жүйесі толық көлемде нәтижелі болып табылады деген қорытынды жасалды. Серіктестікте менеджмент жүйесін жұмыс жағдайында ұстап тұру және оны одан әрі дамыту үшін толық жағдай жасалған. Менеджмент жүйесі қолданыстағы талаптарды орындауға және күтілетін нәтижелерді қамтамасыз етуге қабілетті. Ішкі аудит жүргізу процесі стандарт талаптарына толық сәйкес келеді. Басшылықты талдау стандартқа сәйкес толық көлемде жүзеге асырылады (25.10.2024ж. аудит туралы есеп). Аталған іс-шара «Сыбайлас жемқорлықтың алдын алу және оған қарсы іс-қимыл» үлгілік базалық бағыты жобалық басқарудың төртінші блогын іске асыру шеңберінде өткізілді.
«Қазмедиа орталығы» волейбол командасы Республика күніне арналған турнирде 3-орынға ие болды!
21 қазанда Астанада Республика күніне орай «Есіл» ауданы ұйымдарының қызметкерлері арасында волейболдан тартысты жарыс өтті, онда «Қазмедиа орталығы» волейбол командасы 3-орын иегерлері атанды. Біздің команда жүлдеге таласу ойынында шешімділік пен ынта танытып, мықты қарсыластармен лайықты бәсекелестік көрсетті. Барлық қатысушыларға табандылығы мен тамаша ойыны үшін алғысымызды білдіреміз! Бірге біз жаңа шыңдарға ұмтылуды жалғастырамыз!
2024 жылғы 22-23 тамызда “Қазмедиа орталығы “басқарушы компаниясы” ЖШС (бұдан әрі-Серіктестік) құрылымдық бөлімшелердің басшыларымен кеңес өткізді, оның барысында сыбайлас жемқорлық тәуекелдерін жою бойынша ұсынымдарды орындау тәртібі мен мерзімдері талқыланды
2024 жылдың 22-23 тамызында «Қазмедиа орталығы» басқарушы компаниясы» ЖШС-де (бұдан әрі – Серіктестік) құрылымдық бөлімшелердің басшыларымен кеңес өткізілді, оның барысында «Қазмедиа орталығы» басқарушы компаниясы» ЖШС құрылымдық бөлімшелерінің қызметінде сыбайлас жемқорлық тәуекелдерін ішкі талдау қорытындылары бойынша анықталған сыбайлас жемқорлық тәуекелдерін жою жөніндегі ұсынымдарды орындау тәртібі мен мерзімдері талқыланды. Аталған ұсынымдар 2024 жылғы 15 шілдеде бекітілген Іс-шаралар жоспары шеңберінде орындалуға тиіс болатын. Кеңестің мақсаты – Серіктестіктің құрылымдық қызметіндегі сыбайлас жемқорлық тәуекелдерін ішкі талдау қорытындылары бойынша анықталған сыбайлас жемқорлық тәуекелдерін жою жөніндегі ұсынымдарды талқылау, тәуекелдерді алдын алу және жою бойынша жүргізілген жұмыстың нәтижелілігі туралы растайтын материалдарды ұсына отырып, олардың белгіленген мерзімдерде сапалы орындалуын қамтамасыз ету.
BAQ Liga-ның төртдүркін жеңімпаздары!
28 шілдеде BAQ Liga XIV маусымы аяқталды, онда “Қазмедиа орталығы” телерадиокешенінің командасы Жеңімпаздар кубогының иегерлері атанды. Біздің футболшылар маусым бойы ойынның жоғары деңгейін және табандылықтарын танытып, тұғырға қайта шықтық. Жеке марапаттарға ие болғандар:: 🌟 Өмірхан Елдос – 33 доппен маусымның үздік бомбардирі. 🌟 Турсынбаев Нурбол – маусымның үздік ойыншысы. Біздің команданың әрбір мүшесіне маусым бойы көрсеткен еңбекқорлығы, табандылығы және керемет ойыны үшін шын жүректен алғысымызды білдіреміз. Сіздердің күш-жігеріңіз бен командаға деген адалдықтарыңыз ең жоғары бағалауға лайық!
«Қазмедиа орталығы» басқарушы компаниясы» ЖШС қызметінде сыбайлас жемқорлық тәуекелдеріне ішкі талдау нәтижелерін қоғамдық талқылаудың басталуын жариялау
2024 жылғы 24 мамырда «Қазмедиа орталығы» басқарушы компаниясы» ЖШС-де (бұдан әрі – Серіктестік) сыбайлас жемқорлық тәуекелдеріне ішкі талдау аяқталды. Осыған орай, сыбайлас жемқорлық тәуекелдеріне ішкі талдау нәтижелерін қоғамдық талқылау басталғаны жөнінде хабарлаймыз. Серіктестік қызметіндегі сыбайлас жемқорлық тәуекелдеріне ішкі талдау келесі бағыттар бойынша жүргізілді: 1) Серіктестіктің қызметіне қатысты нормативтік құқықтық актілерде сыбайлас жемқорлық тәуекелдерін анықтау; 2) Серіктестіктің ұйымдастырушылық-басқару қызметіндегі сыбайлас жемқорлық тәуекелдерін анықтау.