«KAZMEDIA» ФК BAQ LIGA–2026 чемпионы атанды
Футзалдан БАҚ өкілдері арасында өткен BAQ LIGA–2026 турнирінің финалында QURMAN мен KAZMEDIA командалары кездесті. Маусым қорытындысы бойынша «KAZMEDIA» футбол командасы XVIII қысқы маусымның чемпионы атанып, сондай-ақ BAQ CUP–2026 ауыспалы кубогының финалына дейін жетті. Сонымен бірге, команданың ойыншылары жеке марапаттарға ие болды:🏆 Нұрбол Тұрсынбаев — Үздік қорғаушы🏆 Құмарбек Азат — Үздік шабуылшы Турнир барысында команда 10 матч өткізіп, 9 рет жеңіске жетіп, тек 1 ойында ғана жеңіліс тапты. Нәтижесінде 27 ұпай жинап, маусымды бірінші орынмен аяқтады. Командамызды жарқын жеңісімен құттықтаймыз! Алдағы уақытта да биік белестерді бағындыруына тілектеспіз!
«Қазмедиа орталығында» республикалық референдум аясында “референдум-2026” онлайн-марафон өткізілді
2026 жылғы 15 наурызда Қазақстанда Конституцияға өзгерістер енгізу бойынша республикалық референдум аясында «Қазмедиа орталығында» «Референдум-2026» онлайн-марафоны өтті. Таңғы 07:00-ден түнгі 01:00-ге дейін созылған тікелей эфирде сарапшылар, қоғам қайраткерлері мен журналистер дауыс беру барысын нақты уақыт режимінде талқылап, ел белсенділігіне сараптама жасады. Іс-шара барысында Мемлекет басшысы Қасым-Жомарт Тоқаев үгіт-насихат науқанына белсенді қатысқан жастармен кездесіп, олардың азаматтық ұстанымына жоғары баға берді.
«Қазмедиа орталығы» басқарушы компаниясы» ЖШС қызметіндегі сыбайлас жемқорлық тәуекелдеріне ішкі талдау нәтижелерін жария түрде талқылау өткізу туралы хабарландыру
«Қазмедиа орталығы» басқарушы компаниясы» ЖШС-де (бұдан әрі – Серіктестік) сыбайлас жемқорлық тәуекелдеріне ішкі талдау жүргізілгені туралы хабарлаймыз. Жүргізілген сыбайлас жемқорлық тәуекелдеріне ішкі талдау қорытындылары бойынша келесі бағыттар бойынша жария түрде талқылау өткізілетін болады: Серіктестіктің қолданыстағы ішкі нормативтік актілеріндегі сыбайлас жемқорлық тәуекелдерін анықтау; тауарлық-материалдық құндылықтарды есепке алу, орын ауыстыру, есептен шығару және кәдеге жарату мәселелері бойынша сыбайлас жемқорлық тәуекелдерін анықтау. Өткізу орны: «Қазмедиа орталығы» басқарушы компаниясы» ЖШС, 20.00.01 кабинет Өткізу уақыты: 30.01.2026, 11:00-12:00
«Қазмедиа Орталығы» алаңында Neo AqJaima фотокөрмесі ашылды
Жылжымалы Neo AqJaima фотокөрмесі Қазмедиа Орталығы алаңында ашылды. Көрме авторлары — NeOClinic медициналық клиникасы мен фотосуретші Оспан Али. Жоба онкологиялық аурудан аман қалған 25 адамның портреттерін қамтиды. Көрме ішкі төзімділік, өмірлік қиындықтарды қабылдау және саналы жеке таңдау тақырыбын көтереді. Көрменің мақсаты — әр күннің құндылығын еске салу, қазір аурумен күресіп жатқан адамдарға қолдау көрсету және қоғамның эмоционалды қолдау мен саналы өмірге мән беруінің маңызды екенін көрсету. Neo AqJaima өз сапарын Қазмедиа Орталығы алаңынан бастайды және 2026 жылдың 6 ақпанына дейін ашық болады.
2025 жылға арналған «Қазмедиа орталығы» басқарушы компаниясы» ЖШС қызметіндегі сыбайлас жемқорлық тәуекелдеріне ішкі талдау жүргізудің басталуы туралы хабарлама
Қазақстан Республикасының 2015 жылғы 18 қарашадағы №410-V «Сыбайлас жемқорлыққа қарсы іс-қимыл туралы» Заңының 8-бабының 5-тармағына, Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 19 қазандағы №12 бұйрығымен бекітілген сыбайлас жемқорлық тәуекелдеріне ішкі талдау жүргізудің үлгілік қағидаларына, сондай-ақ Қазақстан Республикасы Сыбайлас жемқорлыққа қарсы іс-қимыл агенттігі Төрағасының 2022 жылғы 30 желтоқсандағы №488 бұйрығымен бекітілген сыбайлас жемқорлық тәуекелдеріне ішкі талдау жүргізу жөніндегі әдістемелік ұсынымдарға сәйкес, «Қазмедиа орталығы» басқарушы компаниясы» ЖШС-де 2025 жылға арналған сыбайлас жемқорлық тәуекелдеріне ішкі талдау жүргізілетін болады. Сыбайлас жемқорлық тәуекелдеріне ішкі талдау 2025 жылғы 12 желтоқсандағы ОД № 07-03/217 бұйрығына сәйкес төмендегі бағыттар бойынша жүргізіледі: Серіктестіктің қолданыстағы ішкі нормативтік құқықтық актілеріндегі сыбайлас жемқорлық тәуекелдерін анықтау. Тауарлы-материалдық құндылықтарды есепке алу, қозғалысы, есептен шығару және кәдеге жарату мәселелері бойынша сыбайлас жемқорлық тәуекелдерін анықтау. Жүргізілген талдау қорытындылары бойынша анықталған сыбайлас жемқорлық тәуекелдерін жою жөніндегі ұсынымдармен аналитикалық анықтама дайындау. Сыбайлас жемқорлық тәуекелдеріне ішкі талдау нәтижелерін жария түрде талқылау. Сыбайлас жемқорлық тәуекелдеріне ішкі талдау қорытындыларын Серіктестіктің интернет-ресурстарында жариялау. Сыбайлас жемқорлық тәуекелдеріне ішкі талдау жүргізу мерзімдері: бұйрыққа қол қойылған күннен бастап – 30 жұмыс күні ішінде.
MEDIA CHESS CUP «Екі шаһар кубогы — 2025» жарысында жүлделі орын алған жұмыскерлерімізді құттықтаймыз!
2025 жылдың 22 қарашасында Астана мен Алматы қалаларында бір уақытта MEDIA CHESS CUP «Екі шаһар кубогы — 2025» өтіп, БАҚ мамандары мен белсенді блогерлерді бір алаңда тоғыстырды. ФИДЕ ережелері бойынша өткен 10+2 рапид форматы жарысқа жоғары қарқын беріп, әр партияны зейін, стратегия және төзімділікті сынайтын нағыз тартысты кезеңге айналдырды. 🏆 Жұмыскерлеріміздің нәтижелері: • Аңсабаев Сағыныш — Республика бойынша 3-орын, Алматы бойынша 2-орын • Турешов Жанболат — Алматы бойынша 3-орын • Нурушев Жалель — Астана бойынша 5-орын Әріптестерімізді лайықты нәтижелерімен құттықтаймыз!
«Қазмедиа орталығы» басқарушы компаниясы» ЖШС-ның бас директоры спорттық турнир жеңімпаздарымен кездесті
«Қазмедиа орталығы» басқарушы компаниясы» ЖШС-ның бас директоры Қасымжанов Қанат Сәкенұлы медиаорталықтың футбол командасымен кездесу өткізді. Команда Мәдениет және ақпарат министрлігі Спартакиадасы мен «Хабар» агенттігінің 30 жылдығына арналған BAQ league сияқты маңызды екі турнирде компания намысын абыроймен қорғады. Kazmedia командасы қос турнирде де бірінші орын иеленіп, жоғары дайындық деңгейі мен ұйымшылдықты көрсетті. Қанат Сәкенұлы жеңіске жеткен әріптестерін құттықтап, кәсіби шеберлігі мен белсенді бастамашылдығы үшін алғыс білдірді. Сонымен қатар, корпоративтік спортты дамытуға қатысты алдағы жоспарлар талқыланды. Кездесу барысында мұндай спорттық жетістіктер ұжымдық рухты нығайтуға, корпоративтік мәдениетті дамытуға және салауатты өмір салтын насихаттауға маңызды үлес қосатыны атап өтілді. Қазмедиа орталығы ұжым мүшелерінің белсенді және үйлесімді дамуына жағдай жасай отырып, спорттық және сауықтыру бастамаларын қолдауды жалғастырады.
14 тамызда «Сыбайлас жемқорлыққа қарсы комплаенс – 2025» тақырыбында офлайн оқыту өтті
2025 жылғы 14 тамызда «Қазмедиа орталығы» конференц-залында Қоғам қызметкерлері арасында сыбайлас жемқорлыққа қарсы тұрақты мәдениетті қалыптастыру және олардың хабардарлығын арттыру мақсатында құрылымдық бөлімшелер басшыларына арналған «Сыбайлас жемқорлыққа қарсы комплаенс – 2025» тақырыбында офлайн оқыту өтті. Оқыту барысында Қазақстан Республикасының сыбайлас жемқорлыққа қарсы іс-қимыл саласындағы заңнамасындағы негізгі өзгерістер, сыбайлас жемқорлыққа қарсы комплаенс-қызметтің функциялары, мүдделер қақтығысын анықтау, алдын алу және реттеу тәртібі, сондай-ақ кірістер мен мүлік туралы мәліметтерді жариялау мәселелері қарастырылды. Сонымен қатар, қаржылық бақылау шаралары мен бұзушылықтар үшін жауапкершілікке және сыбайлас жемқорлыққа қарсы стандарттарды тәжірибеде қолдану мәселелеріне ерекше назар аударылды. Сессия сұрақ-жауап форматында өтті, бұл қатысушыларға тақырыпты тереңірек түсінуге және өзекті мәселелер бойынша нақты түсініктемелер алуға мүмкіндік берді.
Серіктестік жұмыскерлері үшін ақпараттық қауіпсіздік бойынша дәріс өтті
2025 жылғы 8 шілдеде Қазмедиа орталығында Серіктестік жұмыскерлеріне арналған ақпараттық қауіпсіздік және қызметтік ақпаратпен жұмыс істеу талаптарын сақтау мәселелері бойынша дәріс өтті. Іс-шараның басты мақсаты – ақпараттық-коммуникациялық технологиялар саласындағы жұмыскерлердің хабардарлығын арттыру және деректермен жұмыс істеуде жауапты көзқарас қалыптастыру болды. Дәріс барысында қатысушыларға ақпараттық қауіпсіздік талаптары, корпоративтік жүйелерді қорғау, сондай-ақ ақпараттың таралуына немесе рұқсатсыз қол жеткізуге жол бермеу шаралары туралы кеңінен ақпарат берілді. Қызметтік ақпаратпен, оның ішінде «ДСП» (қызметтік пайдалану үшін) белгісі бар шектеулі таралымдағы ақпаратпен жұмыс істеу ережелеріне ерекше көңіл бөлінді. Спикер мұндай ақпаратты сақтау, пайдалану және қорғау тәртібін жан-жақты түсіндіріп, әр жұмыскердің дербес жауапкершілігін атап өтті. Сонымен қатар, этикалық нормалар да талқыланды — цифрлық ортада мінез-құлық мәдениетін сақтау және корпоративтік қауіпсіздікке жауапкершілікпен қарау дәрістің маңызды тақырыптарының бірі болды. Құрылымдық бөлімше басшыларының қолдауымен жұмыскерлердің қатысуы жоғары деңгейде қамтамасыз етіліп, іс-шара белсенді әрі қызығушылықпен өтті. Мұндай кездесулер қауіпсіздік мәдениетін нығайтуға және ұжымның ақпараттық ортадағы заманауи сын-қатерлерге дайын болуына ықпал етеді.
«Қазмедиа» — BAQ LIGA турнирінің жеңімпазы!
14–15 маусым күндері Астанада Бұқаралық ақпарат құралдары қызметкерлері күніне орай BAQ LIGA үстел теннисі турнирі өтті. Жарыс «Қазмедиа орталығында» ұйымдастырылып, БАҚ өкілдерін бір алаңға жинады. Турнир екі форматта — командалық және жекелей сында өтті. Командалық санатта «Қазмедиа» командасы финалда «Қазақстан 2» командасын 2:1 есебімен жеңіп, бірінші орынды иеленді. Ерлер арасындағы жекелей сынның жеңімпазы «Қазмедиа орталығының» Технологиялық бөлікті әкімшілендіру және сүйемелдеу бөлімінің технологиялық LAN(жергілікті есептеу желісі) әкімшісі Айбек Молдамуратұлы атанды. Сенімді әрі тұрақты ойын көрсеткен ол барлық қарсыластарын артқа тастап, бас жүлдеге ие болды. BAQ LIGA турнирі спорттық жарыс қана емес, сонымен қатар қатысушылар үшін кәсіби байланыстарды нығайтуға, командалық рухты арттыруға және медиасала қызметкерлері арасында салауатты өмір салтын насихаттауға үлкен мүмкіндік болды. Жеңімпаздарды құттықтаймыз және барлық қатысушыларға тартысты әрі қызықты ойындары үшін алғыс айтамыз!