2024 жылғы 22-23 тамызда “Қазмедиа орталығы “басқарушы компаниясы” ЖШС (бұдан әрі-Серіктестік) құрылымдық бөлімшелердің басшыларымен кеңес өткізді, оның барысында сыбайлас жемқорлық тәуекелдерін жою бойынша ұсынымдарды орындау тәртібі мен мерзімдері талқыланды
2024 жылдың 22-23 тамызында «Қазмедиа орталығы» басқарушы компаниясы» ЖШС-де (бұдан әрі – Серіктестік) құрылымдық бөлімшелердің басшыларымен кеңес өткізілді, оның барысында «Қазмедиа орталығы» басқарушы компаниясы» ЖШС құрылымдық бөлімшелерінің қызметінде сыбайлас жемқорлық тәуекелдерін ішкі талдау қорытындылары бойынша анықталған сыбайлас жемқорлық тәуекелдерін жою жөніндегі ұсынымдарды орындау тәртібі мен мерзімдері талқыланды. Аталған ұсынымдар 2024 жылғы 15 шілдеде бекітілген Іс-шаралар жоспары шеңберінде орындалуға тиіс болатын. Кеңестің мақсаты – Серіктестіктің құрылымдық қызметіндегі сыбайлас жемқорлық тәуекелдерін ішкі талдау қорытындылары бойынша анықталған сыбайлас жемқорлық тәуекелдерін жою жөніндегі ұсынымдарды талқылау, тәуекелдерді алдын алу және жою бойынша жүргізілген жұмыстың нәтижелілігі туралы растайтын материалдарды ұсына отырып, олардың белгіленген мерзімдерде сапалы орындалуын қамтамасыз ету.
BAQ Liga-ның төртдүркін жеңімпаздары!
28 шілдеде BAQ Liga XIV маусымы аяқталды, онда “Қазмедиа орталығы” телерадиокешенінің командасы Жеңімпаздар кубогының иегерлері атанды. Біздің футболшылар маусым бойы ойынның жоғары деңгейін және табандылықтарын танытып, тұғырға қайта шықтық. Жеке марапаттарға ие болғандар:: 🌟 Өмірхан Елдос – 33 доппен маусымның үздік бомбардирі. 🌟 Турсынбаев Нурбол – маусымның үздік ойыншысы. Біздің команданың әрбір мүшесіне маусым бойы көрсеткен еңбекқорлығы, табандылығы және керемет ойыны үшін шын жүректен алғысымызды білдіреміз. Сіздердің күш-жігеріңіз бен командаға деген адалдықтарыңыз ең жоғары бағалауға лайық!
«Қазмедиа орталығы» басқарушы компаниясы» ЖШС қызметінде сыбайлас жемқорлық тәуекелдеріне ішкі талдау нәтижелерін қоғамдық талқылаудың басталуын жариялау
2024 жылғы 24 мамырда «Қазмедиа орталығы» басқарушы компаниясы» ЖШС-де (бұдан әрі – Серіктестік) сыбайлас жемқорлық тәуекелдеріне ішкі талдау аяқталды. Осыған орай, сыбайлас жемқорлық тәуекелдеріне ішкі талдау нәтижелерін қоғамдық талқылау басталғаны жөнінде хабарлаймыз. Серіктестік қызметіндегі сыбайлас жемқорлық тәуекелдеріне ішкі талдау келесі бағыттар бойынша жүргізілді: 1) Серіктестіктің қызметіне қатысты нормативтік құқықтық актілерде сыбайлас жемқорлық тәуекелдерін анықтау; 2) Серіктестіктің ұйымдастырушылық-басқару қызметіндегі сыбайлас жемқорлық тәуекелдерін анықтау.
«Қазмедиа орталығы» командасы үстел теннисінен журналистер арасында өткен «PRESS CUP» турниріне қатысты!
16 маусымда Астанада БАҚ өкілдерінің мерекесіне орай журналистер арасында үстел теннисінен «PRESS CUP» дүбірлі турнирі өтті. Жарысқа 20 команда қатысты.🏓 Арнайы марапаттар: 🌟 Үздік ойыншы: Молдамурат Айбек – МКВ және коммутация бөлімінің инженері. 🌟 Үздік ойыншы: Турешов Жанболат – көп арналы хабар тарату инженері. Командамыздың әрбір қатысушысына турнирде көрсеткен еңбекқорлығы, табандылығы және тамаша ойыны үшін ризашылығымызды білдіреміз! Сіздердің күш-жігерлеріңіз құрмет пен мойындауға лайық.
2024 жылғы 29 наурызда «Қазмедиа орталығы» басқарушы компаниясы» ЖШС-де (бұдан әрі – Серіктестік) Мүдделер қақтығысын алдын алу және реттеу бойынша Серіктестік саясатының талаптарын түсіндіру мақсатында құрылымдық бөлімшелердің жұмыскерлерімен жиын өткізілді.
2024 жылғы 29 наурызда «Қазмедиа орталығы» басқарушы компаниясы» ЖШС-де (бұдан әрі – Серіктестік) Мүдделер қақтығысын алдын алу және реттеу бойынша Серіктестік саясатының талаптарын түсіндіру мақсатында құрылымдық бөлімшелердің жұмыскерлерімен жиын өткізілді. Жиынның мақсаты –мүдделер қақтығысының алдын алу және болдырмау, мүдделер үшін әділ, объективті және тәуелсіз шешім қабылдау процесін қамтамасыз ету мақсатында жұмыскерлер арасында Мүдделер қақтығысының алдын алу және реттеу бойынша Серіктестік саясатының талаптарын түсіндіру. Жиында төрағалық етуші комплаенс-офицер К.С. Агибаев мүдделер қақтығысына байланысты көптеген жағдайлар мүдделер қақтығысына қатысқан тұлғаны заңнамада көзделген жауапкершілікке тарту жөнінде шаралар қабылдаумен аяқталатынын атап өтті. Мүдделер қақтығысын тиімді алдын алудың қажетті шарты әрбір жұмыскердің оны уақтылы ашуға және реттеуге қатысуы болып табылатынына назар аударды. Жұмыскерлер мен лауазымды тұлғалар өздерінің жеке мүдделері Серіктестіктің мүдделеріне қайшы келетін кез келген жағдайлардан аулақ болуға тиіс, олардың қандай да бір мүліктік пайда алу үшін өз позициясы мен іскерлік мүмкіндіктерін пайдалануға жол бермеу міндеті, жұмыскер шешім қабылдаудан немесе жеке мүдделерінің ықпалымен іс-әрекеттер жасаудан бас тартуға міндетті. Қатысушыларға жұмыскердің ақпаратқа қолжетімділі шектелуі немесе мүдделер қақтығысы бар мәселе бойынша шешім қабылдауы, басқа жұмысқа ауыстырылуы, жүктелген міндеттер қаралуы мүмкін болған кезде мүдделер қақтығысын реттеу бойынша қабылданатын шаралардың салдары түсіндірілді.
«Қазмедиа орталығы» волейбол командасы BAQ LIGA V маусымының күміс жүлдегерлері!
«Қазмедиа орталығы» волейбол командасы BAQ LIGA V маусымының күміс жүлдегерлері!🥈🎉 25 ақпанда Астанада волейболдан Қазақстанның БАҚ өкілдері арасында BAQ league V маусымының дүбірлі жарысы аяқталды, үздік команда атағы үшін тартысқа 10 команда қатысты. Біздің волейболшылар маусым бойы жоғары ойын мен табандылық танытты. Финалдық ойында «Хабар» Агенттігінің мықты командасымен кездесіп, қарсыластарымыздың пайдасына 2:1 есебімен аяқталған бәсекелі матч өткізді.🤾♂️ Арнайы марапат: 🌟Үздік тосқауыл қоюшы: Молдамурат Айбек – автоматтандыру жүйесінің әкімгері. Командамыздың әрбір мүшесіне маусым бойы көрсеткен еңбекқорлығы, табандылығы және тамаша ойыны үшін алғыс айтамыз! Сіздердің күш-жігерлеріңіз бен командаға деген адалдықтарыңыз құрмет пен мойындауға лайық. 💪👏
«Милосердие» ерікті қоғамы» телерадиоорталық қызметкерлеріне шын жүректен алғыс айтады
Құрметті «Қазмедиа орталығы» басқарушы компаниясы» ЖШС әріптестері, «Милосердие» ерікті қоғамы» қоғамдық қоры телерадиоорталық қызметкерлеріне қаржылай қолдау көрсеткені үшін шын жүректен алғыс айтады. Қайырымдылық пен мейірімділік, сондай-ақ көмек көрсету ниеті мен мүмкіндігі үшін шынайы ризашылығын білдіреді. Сіздер көрсеткен көмек мұқтаж балаларға қамқорлықты сезінуге себеп болды. Сіздерге мықты денсаулық, игілік және әр бастамаларыңызға толағай табыс тілейміз. P.S. Бірге біз әлемді жақсырақ әрі мейірімдірек етеміз ❤️
Жаңа деректі тележоба – «Қазына»!
«Қазмедиа орталығы» ғимаратында қазақ мәдениетінің әуені естілді! Мәдениет және ақпарат министрлігі «Хабар» агенттігімен бірлесіп «Қазына» жаңа деректі тележобасының тұсаукесерін өткізгенін мақтанышпен хабарлаймыз. Мемлекет басшысының тапсырмасы бойынша дайындалған бұл қызықты жоба қазақтың музыкалық дәстүрінің байлығын, атап айтқанда, жүрегімізде ерекше орын алатын аспап – домбыраны насихаттау, сақтау мақсатында жасалған. «Қазына» – күйдің музыкалық мұрасы мен мәдениеті жайлы сыр шертетін, қазақтың ұлттық қазынасы әлеміне бастайтын жолсерік. Жобаның мақсаты – есімдері ұлттық музыка тарихында алтын әріппен жазылған күй шеберлерінің мол мирасын жаңғыртып, ұрпаққа жеткізу.
«Астана» радиосы эфирде 25 жыл!
Құрметті «Астана» радиосы! Сіздерді мерейлі мерейтоймен құттықтаймыз – эфирде 25 жыл! 1999 жылдан бері әр күнімізді әуезді әуенмен, жаңалықтармен және жайлы атмосферамен толтырып, бізбен бірге болдыңыздар. Сіздер жай ғана станция емес, 101.4 FM толқынында шырқайтын өміріміздің бір бөлігісіздер. Жылы дауыстарыңыз үшін, қазақстандық және еуропалық соңғы музыкалар, қызықты бағдарламалар мен тың жаңалықтар үшін алғыс айтамыз. Сіздердің хабарларыңыз жұмысқа барар жолымызда, кешкі серуендерде және демалу сәтінде бізбен бірге болды. Жарқын және бірегей болып қалуды, тосын сыйлармен қуанта беруді және жаңа музыкалық жаңалықтарға шабыттандыруды тілейміз. Туған күн құтты болсын, «Астана» радиосы!
Жаңа 2024 жыл құтты болсын!
Құрметті достар, Жаңа 2024 жыл құтты болсын! ? Келер жыл сіздерге қуаныш, шабыт және керемет мүмкіндіктер әкелсін! ?Әр сәт күлкіге, махаббатқа, жарқын әсерге толы болсын. Армандарыңыздың орындалуын, табысты талпыныстар мен биік жетістіктер тілейміз! Өткен жылы бізбен бірге болғандарыңыз үшін рахмет! Бізді алда бұдан да тамаша күндер күтіп тұрғанына сенеміз. Ізгі ниетпен, Қазмедиа командасы