ЖАҢАЛЫҚТАР

«Жалпыға бірдей вакцинация – бұл қалыпты өмірді қалпына келтірудің және адамдардың денсаулығын сақтаудың жалғыз жолы» (Қ.К. Тоқаев)

www.ourworldindata.org сайтында 31 шілдедегі жағдай бойынша келтірілген деректерге сәйкес әлем халқының тек 28,3% вакцинаның алғашқы дозасын алды және де 14,6% ғана толық вакцинацияланды, бұл ретте екі компонентпен екпе алғандар саны бойынша көшбасшылар: БАӘ (70,5%), Израиль (62,1%), Бахрейн (62%), Канада (59,01%). Қазақстанда вакцинаның екі дозасын ел халқының жалпы санының 19,9% ғана алды.

Барлығы вакцинацияға қатысты пікір таласып жатқанда, індет таралуын бәсендеткен жоқ.
www.worldometers.info деректеріне сүйенсек 2021 жылғы 31 шілдедегі жағдай бойынша әлемде КВИ-дің 536 965 жаңа жағдайы тіркелді, бұл ретте Қазақстан осы антирейтингте бір тәулікте 7 691 ауруға шалдыққан адам санымен 22-ші орынға ие болды, ал КВИ-дан бір күнде тіркелген өлім саны бойынша Қазақстан 18-ші орынға шықты.

Өзіңізді және жақындарыңызды қорғаңыз!
“Қазмедиа” командасы